لنڪس:

• سنڌ اسڪولس:
           هي سنڌي اسڪولن جي نيٽ ورڪ تي مشتمل هڪ ويب سائيٽ آهي. جنهن جو بنيادي مقصد سنڌي اسڪولن کي انٽرنيٽ تي متعارف ڪرائڻ آهي. انهيءَ ۾ مختلف اسڪولن جون نصابي توڙي غير نصابي سرگرميون شامل آهن. توهان به پنهنجو اسڪول هتي رجسٽر ڪرائي سگھو ٿا. هي ويب سائيٽ اڃان شروعاتي مرحلي ۾ آهي. پروجيڪٽ ڊائريڪٽر چواڻي هن ويب سائيٽ کي تمام جلد وسيع ڪيو ويندو ۽ اسڪولن متعلق ملندڙ مواد کي وقت به وقت اپ ڊيٽ به ڪيو ويندو.
  
  ويب ايڊريس:  www.sindhschools.com

• سنڌي انسٽالر
          محترم عبدالماجد ڀرڳري جي ويب سائيٽ جنهن ۾ توهان جي لاءِ ونڊوز ايڪس پي ۾ سنڌي لکڻ جي لاءِ ڪيبورڊ ۽ سٺا سٺا سنڌي يونيڪوڊ فونٽ موجود آهن. انهي سان گڏوگڏ اتي توهان کي سنڌي لکڻ جي لاءِ آن لائن ايڊيٽر ملندو جنهن ۾ اوهان بغير ڪنهن سافٽ وئير کي ڊائون لوڊ ڪرڻ جي سنڌي لکي سگهو ٿا.  هن ويب سائيٽ ۾ شاھ جو رسالو  مڪمل موجود آهي. هي سنڌي زبان جي هڪ عاليشان ويب سائيٽ آهي. سنڌين کي هن ويب سائيٽ کي ضرور ڏسڻ گهرجي. انهي سان گڏوگڏ هن ويب سائيٽ کي اِهو اعزاز پڻ حاصل آهي ته هي دنيا جي پهرين سنڌي يونيڪوڊ ٽيڪسٽ ۾ لکيل ويب سائيٽ آهي.
  
  ويب سائيٽ جو ايڊريس: www.sindhicomputing.com

• سنڌي آن لائن ميوزڪ
           هن ويب سائيٽ تي توهان کي مختلف فنڪارن ۽ ڳائڻن جا گيت ملندا. انهن ۾ فوزيه سومرو، علڻ فقير، سرمد سنڌي، صادق فقير، جلال چانڊئي ۽ ٻين ڪيتريئن ئي فنڪارن جا گيت شامل آهن. انهي سان گڏوگڏ ڪي ٽي اين جا شو جهڙوڪ ماما لالو ۽ ٻيا ڪيترائي شو موجود آهن. ڪي ٽي اين جا گانا به موجود آهن.
  
  ويب سائيٽ جو ايڊريس: www.sindhimusic.com

• سنڌ جا مسئله  (افئير ... هفتيوار ميگزين)
          هي ويب سائيٽ به يونيڪوڊ سنڌي فونٽن تي مشتمل آهي. هن ويب سائيٽ ۾ سنڌ سان ٿيندڙ ناانصافين جي باري ۾ تفصيل سان ٻڌايو ويو آهي. هي هڪ سنڌي ۾ شائع ٿيندڙ رسالي جي ويب سائيٽ آهي. هن ۾ اوهان کي حالاتِ حاظره بابت ڪئي سٺا مضمون ملندا.
  
  ويب ايڊريس: www.affair.com.pk  

• سنڌيانه سنڌي ميگزين
              تون کي ڪهڙي ڪل، جيءُ نه اچي جهل، مون کان سنڌ نه وسري شل. (اياز)
     سنڌي زبان ۾ سنڌي جو هڪ ٻيو سٺو ۽ معياري ميگزين ٽه ماهي سنڌيانه سنڌي ميگزين. جنهن ۾ واٽر ايشوز تفصيل سان ٻڌايا ويا آهن. هن ويب سائيٽ ۾ ميگزين.اي گروپ،گيسٽ بوڪ، فورم، سنڌ، جي ايم سيد، شاهه لطيف، پاڻي ۽ ناڻي جا مسئله، ريڊيو، گيت، لنڪس، ۽ ڪهاڻيون شامل آهن. سنڌيانه جي ويب سائيٽ پنهنجو مٽ پاڻ آهي. ويب سائيٽ جو مين پيج ڪافي حد تائين انگريزي ۾ آهي جنهنکي سنڌي ۾ هئڻ گھرجي ها. تنهن هوندي به هتي ڪيترين ئي ليکڪن جون ڪهاڻيون ۽ ڪيترن ئي شاعرن جي شاعري پڻ موجود آهي.
  
  ويب ايڊريس: www.sindhiana.com  

• سنڌيءَ ۾ گوگل
              آهستي آهستي سنڌيءَ به ٻين انٽرنيشنل ٻولين وانگر ڪمپيوٽر جي دنيا ۾ پنهنجا پير ڄمائي رهي آهي. اهو ڏينهن پري ڪونهي جنهن ڏينهن اوهان کي انٽرنيٽ تي سنڌيءَ جو راج ڏسڻ ۾ ايندو. سنڌيءَ جي اهميت جو اندازو انهي مان لڳائي سگهجي ٿو ته هاڻ گوگل به سنڌيءَ ۾ سرچ جي سهولت مهيا ڪرڻ شروع ڪري ڇڏي آهي. هاڻ انگريزي ۾ سرچ ڪرڻ بدران پنهنجي مادري ٻولي ۾ سرچ ڪريو.

 www.sindhigoogle.com    ۽   http://www.google.com/intl/sd/ ويب ايڊريس؛  

سنڌي اخبار:

ڇا توهان پنهنجي سنڌيءَ ويب سائيٽ اسان جي لنڪ ڊائريڪٽري ۾ ڏيڻ چاهيو ٿا؟؟؟ جي ها! ته پوءِ اسان کي اڄ ئي اي ميل ڪري پنهنجي ويب سائيٽ جي ايڊريس ڏيو.