|
|
|
پاڪستان جو عظيم سائنسدان ڊاڪٽر قدير خان پهرين اپريل 1938 ع تي ڀوپال ۾ ڄائو.ورهاڳي کانپوءِ هو پاڪستان آيو.ڪراچي مان سائنس ۾ گريجوئيشن بعد کيس ٻن سالن تائين برلن (مغربي جرمني)جي ٽيڪنيڪل يونيورسٽي هالينڊ مان ايم ايس سي جي ڊگري ملي.بعد ۾ کيس يونيورسٽي جي عالمي شهرت يافته پروفيسر ڊبليو جي برگز پنهنجو اسسٽنٽ بڻايو.اپريل 1972 ع ۾ هن يونيورسٽي آف ليون بلجيم مان انجنيئرنگ(فزيڪل ميٽلرجي) ۾ پي ايڇ ڊي جي ڊگري حاصل ڪئي.هن بين الاقوامي رسالن ۾ 78 کان وڌيڪ سائنٽفڪ پيپر ڇپرايا،جن کي بعد ۾ پڪس آف فزيڪل ميٽلرجي نالي ڪتاب ۾ جمع ڪيو، هي ڪتاب 1972 ع ۾ ايلزي ويئر هالينڊ پاران شايع ڪيو ويو.هن چئن سالن تائين فزيڪل ڊائناميڪل ريسرچ ايف ڊي ۽ هالينڊ جي مشهور فرم وي ايم ايف جي ذيلي اداري ۾ هڪ ماهر جي حيثيت ۾ ڪم ڪيو.بعد ۾ هن يورنيڪوانرجمنٽ پلانٽ هالينڊ ۾ هڪ ماهر جي حيثيت ۾ ڪم ڪيو.هي هالينڊ حڪومت جو گڏيل ادارو آهي.هن ٻن سالن تائين ريسرچ اينڊ ڊولپمينٽ گروپ آف يورپين اڪنامڪ ڪائونسل بلجيم ۾ يونين آف ڊچ انڊسٽريز (وي اين او)جي نمائندگي پڻ ڪئي. 1971 ع ۾ اوڀر پاڪستان ۽ وري پوءِ 1974 ع ۾ جڏهن ڀارت ايٽمي ڌماڪا ڪيا ته ڊاڪٽر قدير وطن جي خدمت لاءِ پنهنجي نوڪري کي خيرآباد چئي پاڪستان آيو.هن پاڪستان اچي دفاع جو ڪم شروع ڪيو.1976 ع ۾ نيوڪليئر ريسرچ ليبارٽري تعمير ڪرائڻ جي ڪوششن ۾ لڳي ويو ۽ هڪ ڏهاڪي اندر پاڪستان جو نالو عالمي ايٽمي نقشي تي آڻڻ ۾ ڪامياب ٿي ويو.دفاعي ٽيڪنالوجي ۾ هن جي غير معمولي ڪارنامي پاڪستان دشمن قوتن جي ارادن کي ناڪام ڪري ڇڏيو. 1981 ع ۾ جڏهن پاڪستاني صدر ڪهوٽا آيو ته سندس حيرت جي انتها نه رهي.هُن ڪڏهن تصور به نه ڪيو هو ته ڪو اسلام آباد ويجهو ايڏو وڏو پلانٽ تعمير ڪيو ويو آهي ۽ هن انهي عمل کان متاثر ٿي ڊاڪٽر قدير جي نالي اهو پراجيڪٽ ڪري ڇڏيو. ڊاڪٽر قدير پاڪستان کانسواءِ برطانيه،ڪينيڊا ۽ جاپان جي هڪ درجن سائنسي ۽ انجنيئرنگ ادارن جو ميمبر پڻ رهيو.کيس انهن خدمتن عيوض 14 آگسٽ 1989 ع جو هلال امتياز جو اعزاز ڏنو ويو، جيڪو کيس 23 مارچ 1990 ع تي تڏهن جي صدر پاران ڏنو ويو
|
|
|
