جا باهه ٻري آ سا وسائڻ گهرجي
هي ديس اسانجوآ بچائڻ گهرجي
پڳ ٽوپي ٫۽ اجرڪ جو ڀرم رکڻوآ
هي لاک جي لوئي نه لڄائڻ گهرجي.

سر ساهه به سنڌڙي٫ٌ٫ء تان ڪنداسين صدقي
سنڌڙيء جو مٿي مان ڪري وينداسي
دشمن کي ڏئي مات مڃائي اظهر
۽ پنهنجو بلند شان ڪري وينداسي.

اڄ بهارن ۾ خزائون ٿو ڏسان
گلستان جي آبرو لٽجي پئي
باغبان ڄڻ، باغبان آهي ئي ڪونه
گل جي عظمت روبرو لٽجي پئي.

دوستن جي دوستي ماري پئي
دشمنن جي دشمني ماري پئي
ڪهڙو ڪنهن تي ڀروسواظهرڪجي
رهبرن جي رهزني ماري پئي.

اسان توکي پنهنجو بڻائي ڇڏيوسين
وري درد دل جو وڌائي ڇڏيوسين
ڪري ياد توکي صبح شام اظهر
زماني کي تولئه ڀلائي ڇڏيوسين.

تنهنجو رخ مٽيل ڏٺم
بس تڏهن اچڻ ڇڏيم
پيار جا مون گل ڏنا
دل تي تو ڏنا زخم.

سر تي سارا سور سهائي ويٺاسين
دردن کي به دوست بنائي ويٺاسين
توکي ڳولي ڳولي اظهر هڪڙي ڏينهن
آخر پنهنجو پاڻ وڃائي ويٺاسين

literature, forex, tradding, sales, e-markeeting, gold